المقادير
- 100 غرام قارص
- 50 غرام فلفل برلعبيد
- 1 رشة ملح
- 100 غرام (زيتون (أكحل + أخضر
- 1 مغرفة صغيرة هريسة عربي
- 100 غرام فاريونت
- 1 راس بصل مقصوص
- 1 مغرفة صغيرة ثوم مرحي + فلفل أكحل + فلفل زينة + تابل وكروية + نعناع شايح
- 200 غرام لحم مفروم
- 1 مغرفة كبيرة طماطم معجونة
- 50 غرام كبّار
طريقة التحضير
- - حطّ في طنجرة: طماطم + بصل + هريسة عربي +زيت
- - زيد معاهم: الثوم + فلفل زينة + فلفل أكحل + تابل وكروية + الملح
- - خلطهم مليح وبعد ما يتقلّيو زيدهم الماء وخلي الطنجرة تغلي
- - فوّح اللحم المفروم بالفلفل الأكحل + نعناع شايح + ملح
- - خوذ اللحم مفروم بالطرف بالطرف وروليه كيما كعبة المرقاز وخليهم على جنب
- - زيد الفاريونت إلّي غسلتو من ملحو وقصيتو للطنجرة
- - كي يطيب الفاريونت أرمي الزيتون + الفلفل برلعبيد
- - توة وقيت باش ترمي صوابع اللحم مفروم إلّي حضرتهم
- - طاجين المرقاز حضر ما عليك كان تحطّ فوقو رشّة كبار وطرنشات قارص وصحة وبالشفاء